Të shpresojmë...

Shpresa

Nga Xhemi Hajredini

I varfër e i këputur

sikur të jesh,

ti mos u dëshpro,

mos u trishto,

mos protesto!

Tek i shpresës dyqan,

zotnia me duhan e mbi divan,

të gjitha pa lekë do t’na i shesë,

të padukshmen, të paprekshmen,

e të pamundshmen.

Pra shend e verë,

si n’dimër e n’verë

kokën lart e këndo,

se besimi, qetësia e dashuria,

do t’kthehen për këdo.

 

A t’besojmë o Perëndi,

janë t’vërteta a shpoti,

barkzbrazur presim një shkresë,

se pafund jetojmë me shpresë,

kush i pari do të vdesë?!

Strugë, maj 2019

Lumëmadhi

LUMËMADHI
Nga Xhemi Hajredini

Durimshumë o lumëmadh,

sa ngjarje të trishta,

t’kanë duruar sytë,

t’kanë gërryer besimin,

t’kanë sprovuar durimin?!

Tmerr e lemeri o njeri,

në varfëri e mjerí,

në vatër pa njeri,

barkanjozët të fajësuan,

tekanjozët të përçmuan!

Ngushëllime o lumëmadh!

Ata deri në fyt nga mëkati,

ti me durim si Sokrati.

Më lini rehat se s’ua kam ngenë,

nuk prish paqen për legenë.

Strugë, 26 prill 2019

***

Kam dëgjuar të thonë se për të qenë durimmadh duhet të kesh fuqinë njerzore e përbërë nga durimi dhe koha. Sokrati e duroi shumë gruan e tij. Epo ta durosh gruan nuk është punë e lehtë! 

Zotëria famëzi

Zotëria famëzi

Aty në oborr,

i prekur në sedër,

si qenushi n’zhavorr,

shgarraviste një letër.

Zotërisë famëzi,

s’ia fishkëllente njeri,

harroi “pushtetploti”,

se kish ngordhur qëmoti.

Nuk je si ne kuqezi,

ekuilibro ndjenjat o fatzi,

janë ca gjëra që s’i blen dot,

mos shfry mllefin kot e kot!

Hem qeros, hem qibar,

bishtpërjetë si dhi zgjebosur,

ti ke vendin në qilar,

se je goxha i zgjyrosur.

Nga Xhemi Hajredini

Strugë, 18 prill 2019

Shkundadimri (plakat)

Nga Xhemi Hjaredini 

Shkundadimri

(satirë)

Tri plaka tjerrin leshin,

mars kaçelin po përqeshin,

por ai ç’na u zemërua,

ngriu plakat mu në krua.

Nuk lejoj tha qesendi,

jeni a s’jeni n’terezi?!

Tok me prillin bëjmë hatanë,

ngrohtë-ftohtë gjithë dynjanë.

Poezi...

Dora të më thahet

Nga Xhemi Hajredini 

Veten po t’mohoj

e t’më ikë truri,

le t’më thahet dora,

të zhdukem nga hora!

Nëse s’dua nënën,

motrën dhe vëllanë,

le t’më mbulojë turpi,

qentë le t’më hanë!

O njeri o dritë,

o nderi t’u rrittë,

jetohet një herë,

nuk vdiset përditë!

Strugë, 3 prill 2019

Do të bëhet më mirë...

Nga Xhemi Hajredini

Një ditë

Me hir a me pahir,

një ditë do të bëhet më mirë,

do të jemi të lirë, të lirë.

Edhe të paudhët paskan ditëvdekje,

shpirtrobërit kanë mbushur ditë,

do ikin duke fjetur a në mesditë.  

Do të bëhet më mirë një ditë,

të shtypurit do të dalin n’dritë,

dielli sytë do t’ua shndrit’.

Një ditë të rinjtë nuk do të largohen,

në vatrën e tyre do të lartohen,

shtëpitë do mbushin e do shtohen.

Është mall nëne jo ëndërr poeti,

lëndojnë rrugët nga përtejdeti,

një kothere bukë e dashuri,

ka në shtëpi, në shtëpi.

Një ditë do të bëhet më mirë,

Më mirë, më mirë,

të lirë, të lirë...

Strugë, 28 mars 2019

Jeta... në udhëkryq me lot

Në udhëkryq me lot

Nga Xhemi HAJREDINI

Strugë, 18 mars 2019

Jeta nuk është një garë çiklistësh, as edhe një udhëtim me shoqëri të mirë. Jeta ka kuptim kur ti, i vetmuar, ndodhesh para një udhëkryqi dhe vetëm vendimi yt ka rëndësi.

Në udhëkryq Në të udhëkryqtë kohë, hiq gunë e vish cohë, ku të duash udhëto, ti vrapo e këndo! As nga magjistari s’ke dobi, se nga vete ti s’e di, përgjigju zemrës e vazhdo, kërko, gërmo e zbulo! E në mbërrifsh atje ku do, me sa t’kesh zë mallko, ju langonj e zuzarë,    vafshi në djall, mëkatarë!

Me lot Vetëkënaqësi filistine, prej sofistësh arsyetime, katraligët n'sofrën e parë, për të qeshur a për të qarë!